CITAZIONI  e    RICORDI

Al Maestro.

'Na cascia, da lontano, ea sulo 'na cascia

co' quatto piede e lo cupierchio ca s'avascia,

pote cangià misura, pote cangià colore

pote cangià desegno, pote cangià addore

ma ea sempe 'na cascia e so' tutte uguale

siervono a chiude panne, uso masonale.

Dind'a ogni casa ce ne stanno a ziffunno

e dindo ce truove l'universo munno,

cummigliate...arret'a sckatole 'nfrocecate,

tarlate...arret'a segge asseffonnate,

stanno là e nisciuno le smove

stanno là sia le vecchie ca le nove.

Aiere però pe' 'nnanz'a 'na cascia passaie

e accussì, de botta, me fermaie

come se avesse sintuto 'no viento

nonn' era forte, lo sintiette a stiento,

come se m'avesse tuppitiato le cosse

ma trasivo affelato fin'a dind'a l'osse.

Allora romaniette fermo pe' cercà de capì

se era viento ca da sott'a la porta poteva vinì,

ma niente, fore no' 'nse moveva 'na foglia

'nderra no' 'nghiatava manco 'na mbroglia,

lubbì....'n'ata vota....lo viento...lo sento

me chiama...da la cascia...'no momento...

m'avascio...vardo....e romano a vocca aperta

l'uocchie sbalistrisciono, Madonna e che scoperta,

'mbiett'a quera cascia ce steva 'no suonno

ca a lo 'nventà, le suonne no' 'nge puonno,

'no suonno fatto da mane de cristiano

ca s'adda legge assettato...chiano chiano,

senza pressa.....senza pensà

t'ea sulo sta citto....ea sulo vardà.

'No tronco...ca saglie....in silenzio...respira

se move...da sulo....te varda...se gira

no' parla...'no filo de voce...pe' nonn'esse invadente,

te varda....te chiama...da sott'a le lente,

co' l'uocchie te chiede come te chiame

po' t'accompagna pe' copp'a le rame,

e là po' vide tutte quere foglie

parono vere...le vulisse coglie,

so' tutte aunite...ma no' stanno vicine

se muovono....ferme...volesser'ascine,

né so' poche, né so' assaie

so' iuste loro....no' le spuoste maie.

La mano ca l'ha fatto, ea 'no pinniello

se sente...ca tocca...la ponta de scarpiello,

'na piuma...scenne....accarezza...la pialla

rota....de ponta...rallenta....abballa,

'na mano...ca no' dice....troppe parole...

'na mano...c'applause...no' ne vole...

'na mano...ca ogni 'ndaglio...ea 'na carezza

'na mano...ca 'nventa...forme de gentelezza,

'na mano...ca sente...la voce de lo legno

ca d'esse 'ndaccato no' prova sdegno,

pecché sape ca da sta mano che mo' parte

esce n'ata forma...nat'opera d'arte.

'Na cascia, da lontano, ea sulo 'na cascia

co' quatto piede e lo cupierchio ca s'avascia,

ce ne stanno assaie, ce ne stanno tante,

piezze 'nghiovate ma dindo vacante,

ce ne stanno poche, chiene de segrete

potessero parlà, l'asckole dind'a le dete,

ma una mano te nazzechea com'a lo faugno

una ea la mano...de Rocco Cotugno ...'*

L'articolo  commemorativo di Crescenzo Coviello

Le parole del Preside Cesare Monaco scritte in ricordo del Maestro